مساءكم / وصباحكم خييير ، اليوم برضو حنكمل مع منتج ثاني من انستازيا بيفرلي هيلز (ANASTASIA)
مدري اشبنا فجاءه هبينا بمنتجات ذي الشركه بس صراحه اثبتت جدارتها احس اني حبيتها وابغى اجرب منهم اشياء ثانيه
باذن الله ، اليوم تدوينتنا عن كونتور كيت ( contour kit)
كلنا اعتقد في باله ان الكنتور والهايلات لما نستخدمه راح نتغير ونصير واااو يعني انا اقولكم الكنتور والهايلات له فائده جماليه حلوه وقت المكياج بس مو مثل مالاغلب يظن انه دائما اذا حطيتي كنتور وهايلات راح تصيري حلوه بالعكس ممكن يبشعك 😑 طيب فائده الجماليه تبان لما يستخدم بعقل وخفه اما احي ادهن نص خدي كنتورينق عشان يبرز ويبان وقتها اعذريني اقولك انك راح تطلعي ملطخه وشكلك بايخ 😭 دائما البساطه والشي القليل يحلي يعني بالله شوفو اغلب ممثلات هوليود كيف اطلع وتبان تحسي انها مو حاطه ميكب بالرغم انها ممكن تكون حطت مليون شي بس ليش مايبان الالوان لها دور اختيارك لكريم الاساس والكونسيلر بدرجه تناسبك ودمجها على وجهك بشكل صحيح كلها لها دور حتى درجة البودره او الشي الكريمي اللي تستخدميه كنتور لها دور يعني اغلب الارتست عندنا يستخدمو العجله الثلاثيه تبع كريولاين وخاصه اللون الغامق منها يستخدموه كنتور 😭💘 طبعا غلط وهذي وجهه نظري انا 😁 يعني البشرات الفاتحه نستخدم لها شي فاتح مو اغمق درجة ، والبشره اللون الوسط يستخدمو شي اغمق شوي ، والبشرات السمراء تستخدم ممكن اغمق درجه . طيب انا دائما اقول انه افضل الكنتور اللي يستخدم يكون باودر لانه حيكون شي خفيف ع البشره وسهل الدمج ويبان طبيعي اكثر . شخصيا اذا ابغى استخدم كنتور كريمي استخدمه بس على اطراف جبهتي ✌️. الكنتور متى نستخدمه لما نبغى نخفي شي ونساعد في ابراز شي ثاني يعني جبهتك عريضه وطويله استخدميه على كل اطراف الجبهه ، انفك من تحت اعرض من فوق استخدميه على المكان العريض في اطراف الانف منطقة الذقن حدديها وبداية الرقبه دائما خلي اطرافها كنتور عشان تبين المنطقه مشدوده ،
لون الكنتور اللي تستخدميه :
اتاكدي انه اللون مايكون على اورنج لانه وقتها ماراح يكون كنتور بيكون شي ثاني وبيطلع شكلك ابدا مو حلو خذي الوان البنيات اللي مايله ع الرماديات ، اي شي يتوفر فيه ذي الشروط استخدميه قبل اشتري كنتور انستازيا كنت استخدم شدو عندي من توفيسد استخدمه كنتور ، وقبلها كنت استخدم بودره . .
تقييمي لكنتور انستازيا:
الحلو فيه انه جمع ٦ الوان ،
الالوان الفاتحه تستخدم عشان ننور ونبرز الاماكن اللي نبغاها تحت العين ، جسر الانف ، تفاحة الخد 💕
Sand هو لون مو مات لا فيه اضاءه خفيفه تستخدميها على عظمة الخد ووسط الجبهه فوق الشفه العليا يعني اي مكان انتي تحبي انه يكون فيه اضاءه بلمعه خفيفه ( اللون يعطي لمعه خفيييفه جددا حتى لو استخدمتيه صباح اعتقد يناسب )
لون banana&vanilla الوان ماات ومطفيه وصبغة اللون قويه ماشاءالله انا استخدم بنانا جايه على صفار اكثر واحب منطقة تحت العين تكون كذا ، لون فانيلا يناسب البشرات الفاااتحه مره او اللي مايحبو الصفار .
الثلاث اللالوان اللي تحت
لون havana : لون جاي على اورنج يستخدم بلشر واللون قوي وواضح مسحه خفيفه على الفرشه تكفيك
لون fawn : طبعا هذا بعتبر كنتور ودرجة اللون اخف من اللون اللي جنبه على اليسار يناسب البشرات الفاتحه جدا وكمان انا احب استخدمه كنتورينق للانف لان الانف مايحتاج تدهنيه كنتور شي خفيف ولون بسيط عشان يندمج ومايبان خط
لون java : استخدمه لجبهتي والذقن واذا ابغى اسوي غمازه لمنطقة الذقن 😁✌️ اللون قوي وواضح وخذي مسحه ف الفرشه ووزعيها
تقيممي للمنتج : جميل وواضح جدا واعتقد انه جامع اكثر من شي اذا انتي تفكري تشتري شي جديد اعتقد انه راح يناسبك ، سعره ناسيه بالضبط بس رخيص مو غالي خاصه اذا طلبتيه من مواقع 💕
ليست هناك تعليقات:
إرسال تعليق