تجربتي مع منتج رابيد لاش لتكثيف الرموش والحواجب |RapidLash serum

صباحكم / مساءكم حب و لطافه .. 

اشتقت لكم ووحشتوني .. راجعه لكم بتدوينات كثيره وتجارب  حلوه ،، يارب تفيدكم .. 

أغلبنا في مجتمعنا يهتم كثير بالشعر وتطويله والاهتمام فيه .. 

شخصيا أنا كذا أحب شعري وأحب يكون كثيف ..

طبعا عوامل البيئة والعمر تاثر جدا في الشعر حتى شعر الحواجب والرموش تتاثر مره :( 

ونصيحتي لكم :. 

من بدري اهتمو في الشعر لانه لما تكبرو وتخلفو أطفال اول شي تلاحظيه انه شعرك صار نقطتين ههههههه بالفعل الحمل والولادة والرضاع من الأشياء اللي تغير كثير في شعرك .. 

وعلى قولتهم لافات الفوت ماينفع الصوت ،، يعني لاتجون بعد سنوات تبكون وتلطمون وتقولون شعرنا اتغير .. 

راجعي قبل كل شي عنايتك واهتمامك وعلى اساسها اتخيلي شكلك وانتي في الخمسين.. 

  

نجي الان لمنتجنا يخص الرموش والحواجب ويحافظ عليها

اسمه :. 

RapidLash 

ذكر عن المنتج :- 

انه يقوي بصيلات الشعر لاحتوائه على ماده البوليبيتيدات وتساعد على تقويه بصيلات الشعر

وأثناء التجارب 

٥٠٪ طالت رموشهم ..  

٧٥٪ زادت كثافة رموشهم 

-قبل نروح ونتكلم عن نتيجة المنتج معايا حطو في بالكم 

-انه ماراح يعطي نتيجه وانتي تزيلي الميكب بقوه او تستخدمي منتجات غير جيده سواء ماسكرا عيون او منتجات للحواجب ثقيله..  

-وأهم حاجه انه النتيجه تعتمد على شكل رموشك وحواجبك قبل يعني هو يرجعها لوضعها الطبيعي ماراح يطلع لك شعرات وهيا ماانخلقت اصلا.. 

-يعني لاتحطون أمال عريضه طويله وتنصدمون بعدين..  

-في نقل تجربتي حاولت اني اكون دقيقه ومركزه طوال فترة التجربه وأوقات النتيجه ما تكون ظاهره مره لكن انتي فقط اللي تلاحظي 

-وأكثر ماحسيت فرق لما احط ماسكرا لرموشي أصير كأني ركبت رموش حتى صرت كثير أنسال عن مسكرتي اللي احطها وهيا نفسها اللي كنت زمان احطها..  

نجي النتيجه والتجربه :- 

-أول ماتحطي المنتج تحسي شعور بروده وانتعاش أمن للعين سهل إلا ستخدام..  

-عباره عن ريشه سهل تنظيفها وتوزيع المنتج فيها تحطيه على منابت الرموش زي الايلاينر..  

-لونه شفاف وينشف على طول.. 

الأسبوعين الأولى :- 

-كانت النتيجه بسيطه تقريبا لاحظتها في بداية شعر الحواجب صار لونها اغمق وتحسينها صارت واضحه..  

-بالنسبه للرموش مالاحظت اي شي حتى بالنسبه لتساقط الشعر برضو ماوقف..  

بعد مرور شهر كامل :- 

-لاحظت انه شعر الحاحب صار أطول خصوصا شعر المقدمه..  

-الرموش لاحظت انه منابت الرموش صار لونها اغمق الرموش السفليه صارت أطول..  

-بالنسبه للتساقط صار أخف بس برضو مازال يطيح..  

بعد مرور شهرين وأكثر :- 

-الحواجب صار فيه شعر صغير نبت في الأماكن اللي كان فيها شعر قديم..  

-الرموش صارت الشعره أطول ومن نهاية العين صارت أطول وكمان حسيت الرمشه مو مقوسه وكذا لا تحسون فيها نعومه ونازله الرمشه..  

-مقدمة العين في رموش صغنونه نبتت.. 

-أما الرموش السفلية نفس النتيجه مافيه تغير طولت فقط..  

-بالنسبه للتساقط الحمدلله صار الوضع احسن وقليل اشوف شعرات تطيح من رموشي وحواجبي إلا إذا استخدمت منتج مو كويس او إذا ازلت الميكب بقوه تصيبني دفاشه أوقات ههههه 

-يعني حسيت المنتج فرق كثير معايا من ناحيه الطول الكثافة كانت متوسطة صح مارجعت رموشي بكثافتها نفس زمان لكن اتحسنت كثير الحمدلله وفرقت  

-المنتج بقي معايا أكثر من شهرين وزياده ومازال فيه ماخلص.. 

-يعتبر منتج عنايه وعلاج وراح ارجع أخذه واشتريه مره ثانيه إذا خلص 

سعره ب 180 اخذته من تاجره ثقه وتعاملها ولا أروع حسابها في الانستقرام  ..