مساءكم / صباحكم انتظار اشياء جميله وكيوته ،،
وحشني التدوين والانستقرام بس من جد
مع انتظار الولاده جايني كسل / خمول / تعب :)
قررت بعد استخاره وتحفيز اني ارجع اكتب عن
المنتجات اللي ابغى اكتب عنها هههههههه ( وضعي صعب )
كلنا عارفين في الحمل اشياء كثير تتغير في جسمك كأنثى ،، تعتبر حاله عرضيه وتروح مع ولادتك واهتمامك،،
طبيعي لما يزيد وزنك او يصير في اماكن في جسمك اغمق من اماكن بشرتك تكون باهته او تعبانه هذي كلها اعراض تختلف من حامل لحامل
اهم شي تحاولي انك ماتتعبي نفسيتك بذي الامور
بالعكس حاولي تستمتعي عنايتك في الحمل خليها نفسها قبل الحمل مو عشان صار عندك اماكن غامقه تقومي كل يوم تعملي تقشير او تجيبي ليفه خشنه وتدعكي بقوه انا من ذحين اقولك هذا الشي يضرك مايفيدك :(
في الحمل اعتمدي نفس نظامك زيادة عليه كثفي من كريمات الترطيب قد ماتقدري عشان تشققات الجلد،،
في حملي الحالي اهتميت ببشرة وجهي اكثر شي لاني من يوم احمل تطلع لي حبوب من حيث لا احتسب وفوق هذا يجيني جفاف في بعض مناطق وجهي
وكان صديقي في الحمل خصوصا اخر شهرين
اسمه:
VICHY laboratoires IDEALIA
كريم فيشي ايداليا
ذكر عنه في موقعهم :
- هو كريم لتنعيم واضاءه البشره .
- يناسب جميع النساء مهما كان العمر او اللون او نوع البشره .
- يعطي مظهر املس وانعم للبشره يوحد اللون .
مكونات الكريم :
(Kombucha)
كامبوتشا معروفه بخصائصه التي تساعد توحيد لون البشره وتحسينها
( مختبرات فيشي هيا اللي اختبرت هذي الماده وخصائصها وحصلو على هذي الماده عن طريق تخمير الشاهي الاسود )
- يحتوي على بعض الفيتامينات وماده بوليفينول التي تساعد على تحسين البشره ..
وعودهم عن الكريم :
بعد اول استخدام البشره تصبح مشرقه وفيها نعومه .
- بعد شهر : ملمس انعم ومسام البشره اضيق
تتجانس البقع ومظهر الاوعيه يصبح افضل
والتجاعيد تصبح املس ( سحر مو كريم ) ههههه
طريقة استخدامي للمنتج :
في البدايه كنت استخدمه مرتين يوميا ..
بعد كذا صرت استخدمه فقط قبل النوم بعد مااخلص من روتين عنايتي احطه وادهنه بطريقه خفيفه وطبعا على شكل دائري ..
تقييمي للمنتج :
- الكريم خفيف تمتصه البشره بسهوله .
- يتميز برائحه جميله وخفيفه .
- لاحظت ان ترطيبه كويس للبشره يعني لما تحطيه على بشرتك تمتصه بسهوله ومايدبق ابدا وبالفعل يناسب البشره العاديه الى المختلطه .
- حسيت بفرق من ناحية توحيد لون البقع ..
- لما احطه في الليل واصحى من بكره احس بشرتي كأنها رويانه وتبقى مترطبه..
- من ناحية التجاعيد طبعا مااعرف وماعندي فكره اذا بالفعل راح تحسي بفرق في استخدامه ..
- من ناحية المسامات تحسيه يرطبها عشان كذا يعطي شعور انها صارت املس وانعم .
- مساماتي صغيره وقليله جدا في اخر فترة الحمل حسيتها كثرت او كبرت بعد استخدامي لاحظت انها رجعت لوضعها الاول الحمدلله ..
( بشكل عام الكريم جيد وكويس ممكن تلاحظي تغيرات بسيطه في بشرتك لكن حسيته يرطب بطريقه حلوه وحتى قبل الميكب استخدمه ومرتاحه عليه تماما ، من ناحية الاشراق مقدر برضو احكم حسيته يعطي اشراق مؤقت ممكن السبب تعب الحمل وارهاقه )
المنتج متوفر في اغلب الصيدليات سعره ب ١٧٠ ريال المنتج يبقى معاك وقت جدا طويل ،،
وايش فيه كريمات جربتوها حسيتو معاها بنتيجه خلونا نفيد ونستفيد 😘
ليست هناك تعليقات:
إرسال تعليق