مساكم / صباحكم الوان تنور حياتكم :)
تدوينة اليوم تختص بالميكب اعتقد الفتره الجايه كثير راح اسوي ريفيوهات عن بعض الميكب عالي الجوده ويكون سعره رخيص وفي متناول الجميع
اول تدوينه من هذه السلسله حتكون عن شدوهات واروج ومحددات كلور بوب اسعارهم تترواح بين ٥ دولار الى ٧ دولار تقريبا في حدود ١٩ ريال للشدو الواحد او الروج .. انا طلبتها شخصيا من موقعهم وتقريبا في حدود اسبوعين وصلني الطلب حبيت الصندوق اللي ارسلو فيه المنتجات كان انيق ورايق وعليه اسم الماركه العاده اغلب الطلبيات توصل في صندوق عادي ملصق ١٠٠ لصقه ( ههههههه )
شدوات كلور بوب:
اخذت منهم الوان متعدده فواتح وغوامق
الشدوات ملمسها كريميه بس على العين يقلب باودري
يفضل تستخدميها مع فرش للمنتجات الكريميه او يفضل طبطبه باليد واطراف الشدو ادمجيها بفرشة
سهله الدمج واللون ثابت وواضح
الالوان الغامقه وضوحها وثباتها اكثر ، ومن مسحه وحده تبان ()
حبيت الشدو الشيمري والمتاليك اكثرر من المات بالفعل يستحق الشراء
كمية الشدو قليله جدا لكن مقارنه مع سعره وانه مسحه منه تكفي يعتبر شي حلو
نصيحتي :
اذا حابه تشتري منهم ركزي ع الالوان الشيمريه والمتاليك لانها رائعه ولمعتها جميييله جدا
وركزي ع الالوان اللي قليل نلقاها في الماركات الثانيه
الشدوات متنوعه منها المات ومنها الشيمر ومنها الساتين والمتاليك ..
الشدوات المفضله عندي من اللي اشتريتها :
كلها حبيتها بس بعضها مميز لان اللون يكون مو موجود عندي
Krinkle metallic : اللون جميل ويعطي كذا لون على رزاق او فضي وفيه لمعة تعطي ع زيتي .
Cheeky: اللون رايق وجميل نوعه ساتين حبيته فيه لمعه خفيفه جدا اقرب للطبيعيه يبين انه عينك مصحصحه ..
Squint liaison : الحلو في الشدوات المقسمه انها تساعدك تجربين اكثر من لون وحبيت اللون النيلي جميل جدا في السموكي ..
محددات كلور بوب :
ملمسها كريمي وتمشي ع الشفايف بسهوله والوانها واضحه وثباتها عالي حبيتها جدا وندمت اني مااشتريت الوان اكثر منها تستحق الشراء والتجربه ..
ارواج كلوربوب :
حتكلم بشكل مبسط عن الارواج اتكلمت عنها من قبل ارتوس وفصلت فيها تفصيل دقيق :) الارواج متنوعه في منها المات وفيه الساتين هذي اللي جربتها فقط
الوانهم مميزه وثباتها عالي ابدا ماتجفف الشفايف
متخيلين من قوة ثباتها حطيت سواتشات ع يدي للالوان الغامقه عشان اجرب ومسحه وحده اللون كان ثابت بنفس حدته ٧ ساعات تقريبا بعدها مسحته وخف اللون لكن جلس في يدي ماراح ابدا غير بصابون :)
ابدا ماتجفف الشفايف يعني ماتحسين انه فيه طبقه ومسويه تجفيف لشفايفك لا بالعكس فيها نسبة ترطيب ارواجهم المات بالفعل تستحق الشراء
راح انزل بقية الوان الارواج في الانستقرام 😘
اشوفكم على خير في تدوينه قريبه جدا عن فرش مورفي 😘
ليست هناك تعليقات:
إرسال تعليق