صباح / مساء المسرات والبدايات الجديده ..
كل عام وسنه وانتم في سعاده يارب :)
دائما احس المنتجات الدهنيه لها النصيب الاكبر في التدوينات سواء عندي او عند كثير من البلوقر المهم قررت اكتب لكم تدوينه عن منتج يناسب البشرات الحساسه جدا والجافه من شركة افين
شخصيا كل اللي جربته من منتجات افين كان فعال وتجاربي ناجحه معاهم ..
المهم تدوينة اليوم تفيد البشرات الحساسه والجافه عندي اخت بشرتها حيرتنا تماما ماتتخيلو قد ايش حساسه حتى لما تتحمم بشرتها تصير حمراء حتى من المويه وتتحسس من كل المنتجات حتى من اشياء عاديه تتحسس قلت خليني اكتب عن بعض منتجاتها اللي صرفتها دكتورتها وكانت مرتاحه معاها واعطت مفعول كويس لبشرتها ..
اسم الكريم :
Cream pour paeux intolerantes apaisante ..
الشركه : avene
مكونات الكريم :
- مياه الينابيع الحراريه اشتهرت كثير نزلت عنها بوست في الانستقرام My instagram
- زيوت معدنيه ( البارافين ) ..
- غليسريل والجلسرين
- حمض البنزويك ..
راح افصل لكم اكثر وندخل في الكيمياء شوي ههههه ..
وللبنات اللي بحبو يستفيدو اكثر ايش هيا الزيوت المعدنيه فوائدها واضرارها :
- الزيوت المعدنيه شكل من اشكال النفط المقطر ..
- الزيوت المعدنيه تدخل في كثير من مستحضرات التجميل..
- يدخل الزيت المعدني كثير في مستحضرات ازالة المكياج ..
- الزيوت المعدنيه تفيد البشره في انها تكون حاجز للجلد من الغبار والاتربه وترطب البشره بشكل ملحوظ..
- دائما الزيوت المعدنيه تدخل في تركيب مستحضرات الطفح الجلدي للاطفال ..
- يستخدم كملين داخلي وللحموضه كمان ..
طيب وكالعاده اختلفو وقالو ان الزيوت المعدنيه المستخلصه من النفط المقطر لها مضار واثار جانيه:
- قد تسبب انسداد للمسام ..
- لها تاثير على فيتامين د
اتوصلو لنتيجه في الاخير :
-انه البشرات الدهنيه تبتعد عن المستحضرات اللي يدخل في تكوينها الزيوت المعدنيه ..
- البشرات الجافه تستخدمها ولكن لفترات ماتكرن طويله ..
ذكر عنه في الموقع :
- غير ساد للمسام مع انهم قالو انه يحتوي ع زيوت معدنيه اللي تعتبر ساده للمسام لكن في حال البشرات الجافه والحساسه راح يفيدهم زين البارافين ..
- يناسب البشرات الجافه والحساسه والمعرضه للاحمرار والبشرات الفاتحه..
- يناسب البشرات التي تعرضت الى فرط في التنظيف
- يلطف البشرات الحساسه ويعطيها نعومه فايقه..
ملاحظه :
مااستخدمت المنتج نهائيا اقراي المعلومات اللي كتبتها اذا حسيتي انه يفيدك اشتريه واتوكلي على الله شفت نتائجه على اختي وكانت كويسه صرت الاحظ انه بشرتها مترطبه بشكل كويس ، تستخدمه كمان في فترة التقشير اللي عملتها لبشرتها عشان يخفف من الاحمرار ..
عطونا تحاربكم مع المنتج سواء هنا او في الانستقرام عشان الكل يستفيد ..
ليست هناك تعليقات:
إرسال تعليق