صباحكم / مساءكم فنتكه واجواء شتويه ..
وحشتوني جدا جدا ..
بشكل عام دائما تتغير بشراتنا في الصيف عن الشتاء وتتأثر بالجو العام عشان كذا لما اروح منطقه جافه وتسبب لي جفاف احرص انه تكون منتجاتي فيها نسية ترطيب ..
لكن هنا في جده بشرتي تختلط وتصير دهنيه الى عاديه او جافه في بعض المناطق عشان كذا تلقوني اغير غسولاتي باستمرار حسب وضع البشره وحسب الجو العام ..
اليوم تدوينتا حتكون عن منظف للبشره
اسمه :
غسول ديب كلين من نيتروجينا | deep clean facial cleanser
متوفر في جميع الصيدليات ..
سعره :. ٣٠ اقل او اكثر
ذكر عن المنتج :.
- منظف يومي عميق المفعول ..
- يذيب الاوساخ المتراكمه في المسامات..
- خال من الزيوت..
- لايسد المسام..
- يجعل البشره نضره وصحيه وتتمتع بالنعومه..
مكونات الغسول :.
في المكونات احب اذكر الماده المؤثره سواء كانت ماده جيده او غير جيده .. لانه بتصير درس كيمياء لو ذكرت كل شي ..
من المواد اللي يتكون منها الغسول ماده :.
Sodium laureth sulfate
-ذكرنا كثير عن هذي الماده في الغالب توجد في منتجات كثيره فائدتها تكون الرغوه وتنظف ..
-ذكرو لها مخاطر كثيره عن انها ماده مسرطنه وتضر ..
-لكن انتو لما تقرو مكونات اي منتج اقروا اول اربع مكونات هيا اللي تكون نسبتها اعلى شي في المنتج ..
- وقرار شرائك لاي منتج راجع لك ..
طريقة استعماله :.
-استخدمه مرتين في اليوم
-ارغي الغسول على يدي وبعدين اوزعه ع بشرتي واعمل حركات دائريه خفيفه ع البشره ..
- اشطفه بمويه تميل للبروده ..
رائي الشخصي عن المنتج :.
- المنتج استخدمته كثير وهذي ثاني علبه اقتنيها ..
- الغسول ينظف البشره لكن بعد ٤ ساعات تقريبا او اقل ترجع المناطق الدهنيه في بشرتي تدهن ..
- احس احتاج احط منه مرتين عشان ينظف لي بشرتي خصوصا لو استخدمته في طريقة غسل الوجهه بالطريقه الكوريه ..
- مايجفف البشره خصوصا انه بشرتي عاديه والتي زون ( منطقة الانف والجبهه ) دهنيه ..
- تحسين باحساس ان البشره مشدوده ..
- اما سالفه انه يعطي نضاره ونعومه ذي زياده تسويق من عندهم للمنتج ..
- الغسول له رائحه عطريه بس حلوه مو مزعجه لكن اعتقد انه ماراح يناسب البشرات الحساسه والجافه ..
- مااعتبره افضل غسول جربته لكنه جيد وكويس مقارنه بسعره وصدقا انا اشتريه لما تكون ميزانيتي مضروبه وكمان احب استخدم الغسولات اللي تكون في متناول اليد عشان اقدر ادون عنها والكل يستفيد ..
ومثل مانقول دائما عمره منتج واحد ماسوى المستحيل لازم يكون عندك عنايه ومنتجات مكمله لبعض عشان تشوفي نتيجه حلوه 💕
واشوفكم على خير في تدوينات ثانيه احبكم () ..
هو المنتج يستحق الشراء
ردحذف