مساء وصباح .. الخير ..
طولت الغيبه عن مدونتي حبيبتي ،، بالفعل التدوين هنا له لذه وطعم غير يسمح لي اكتب بكيفي واقرقر اكثر من المتوقع ،،
صحيح الانستقرام والسناب اسهل في توصيل المعلومه
لكن فيه بعض المنتجات أحب اذكر عنها هنا في المدونه وافصل فيها كثير ..
لكن فيه بعض المنتجات أحب اذكر عنها هنا في المدونه وافصل فيها كثير ..
اليوم جايتكم مع تجربه جديده مع منتج شعر شخصيا انا قليل اطلب منتجات عنايه سواء للبشره او الشعر من برا أحب المتوفر عندنا هنا في الصيدليات اوقات أتمنى ألقى منتجات اكثر وأفضل لكن الجود من الموجود وعشان تكون سهله في متناول الجميع ...
الفتره الجايه اعتقد راح اتكلم عن منتجات للشعر كثيره خصوصا انه الفتره هذي شعري جدا تعبان :(
منتجات اليوم جديده عليا اسم الشركه :.
منتجات اليوم جديده عليا اسم الشركه :.
Lee stafford
الشركه منشأها : بريطانيا ..
بدايات مصفف الشعر كانت على عائلته واهله ..
بعدها وسع مجالاته مع المشاهير وغيرهم ..
بعد ذلك فتح شركه خاصه بمنتجاته في عام ٢٠٠١ وحصل على عدة جوائز كافضل مصفف شعر
تقدرو تطلعو على موقع الشركه وتقراو اللي حابينه ..
المنتج جل اسمه ميسد أب بيتي
Messed up putty
عباره عن شمع خفيف لتصفيف الشعر ..
للحصول على شعر ثابت مرغوب فيه وطبيعي ..
رائي الشخصي عن المنتج :.
بالفعل مثل ماقالو شي طبيعي يعني لمن تمسكي شعرك مو يابس ابدا وبالعكس تحسين فيه نعومه..
انا شخصيا استخدمه واستخدمه لبنتي لان شعرها كيرلي مره ف يصير الشعر هاجد نفس طبيعته ملفلف وكل شي لكن مو كشه وهاجد بالفعل ..
المنتج ريحته حلوه وأبدا مو شينه ..
ملمسه شمعي بالفعل لان اهم مكون فيه البارافين
ومعروف زيت البارافين وفوائده للشعر والبشره من ناحيه الترطيب ..
ومعروف زيت البارافين وفوائده للشعر والبشره من ناحيه الترطيب ..
سعره رخيص اعتقد ٥٠ ريال أخذته من صيدلية النهدي ..
المنتج الثاني شامبو اسمه هير ليثينينغ ..
Hair lengthening
ذكر عن المنتج :.
شامبو يغذي الشعر ..
يمنحه ترطيب ونعومه ولمعان
رائي عن المنتج :.
برضو ريحته جدا جميله ويقطع ريحة اي خلطه حطيتهيها على الشعر ..
من ناحية الترطيب بالفعل اول شي أحسه ان شعري مترطب وسهل التمشيط ..
اثناء استخدامي له مااستخدم بلسم بعده ابدا ..
لاحظت انه ماينظف الشعر مره كويس يعني لو كنتي حاطه زيت ماراح ينظف ولو شعرك دهني ماراح ينظف فروتك من الدهون ..
شخصيا استخدمه اذا شعري نظيف وماحتاج شي قوي على شعري ..
وبرضو لو كنتي من الناس اللي تغسل شعرها يوميا استخدميه ماحسيته يضر الشعر ابدا ..
حطو في بالكم الشامبو يحتوي على سلفات لوريث صوديوم تستخدم في زياده الرغوه للمنتجات ولها أضرار كثيره على المدى البعيد لكن اللي لاحظته شخصيا انه الشامبو رغوته جدا قليله مو مثل كل المنتجات اللي تحتوي على هذه الماده ..
الشامبو سعره رخيص في حدود ٥٠ ريال برضو أخذته من النهدي ..
ليست هناك تعليقات:
إرسال تعليق