صباحكم / مساءكم جمال
نتكلم اليوم عن منتج اخذ شهره كبيره وكثير مدحوه حتى بعض اطباء البشره نصحو فيه وصرفوه لبعض اللي يتعالجو عندهم
المهم منتجنا من شركة فرنسيه كبيره تأسست في عام ١٩٧٠ اسمها بيوديرما [ BIODERMA]
المنتج اللي راح اطرق له هو غسول البشره
[sebium Gel moussant]
المنتج اشتريته ثلاث مرات واستخدمته فتره جدا طويله وفي كل مره ماالقى احد كتب عنه بشكل مفصل مع انه له اصداء ودائما القى كلام مبسط عنه ، قررت اكتب عنه تدوينه مطوله ومفصله .
المنتج اشتهر عنه انه من منتجات (الهيبوالرجينيك) ..
اشتهرت المنتجات اللي تحتوي مادة( الهيبو) بانها مرطبه وملينه ومهدئه للجلد وبرضو قالو انها ماتسبب اي تحسس وتناسب البشرات الحساسه لانها تقلل من الحساسيه .
طبعا كل شركه تسعى للربح المادي قبل كل شي عمرك ماتثقين في اي شركه مهما كانت رؤيتهم او معتقداتهم برضو يهمهم الربح المادي..
طبعا قريت دراسات قديمه تقول انه مادة الهيبوالرجينيك هو شي تسويقي وضعته الشركات وانه مافيه دراسات مثبته تفيد بفاعلية هذي الماده طبعا طلبت ( ادارة الاغذيه والعقاقير الامركيه ) من كل الشركات اللي تكتب على منتجاتها انه يحتوي على ماده الهيبو دراسات موثقه بس رفضو بحجه انه هذي فيها تكلفه ماديه عليهم وانه هما اساسا عملو تجارب
طبعا الماده هذي تكتب على كثير من منتجات العنايه والتجميل،،
والى الان مانعرف هل صحيح ماذكر عن هذه الماده؟؟ او هو غرض تسويقي المقصد منه الربح والتسويق للمنتجات!؟
(وكالعاده احنا نحب وننخذع بالاشياء التسويقيه وبقوه) 😂
طيب نرجع لمنتجنا
وصف المنتج ف الموقع :
- غسول ومنظف للبشرة الدهنية . على شكل جل
- يعمل على ازالة المواد الدهنية المفرزة من الغدد الدهنية ويلطف البشرة
- يحتوي على مواد تساعد في تنظيم افراز الغدد الدهنية وبالتالي التقليل من مشاكل حب الشباب الناتجة من الافراط في افراز الغدد الدهنية
- يعمل على ازالة المواد الدهنية المفرزة من الغدد الدهنية ويلطف البشرة
- يحتوي على مواد تساعد في تنظيم افراز الغدد الدهنية وبالتالي التقليل من مشاكل حب الشباب الناتجة من الافراط في افراز الغدد الدهنية
- كما انه يساعد في تنظيف البشرة من كافة الافرازات الدهنية ولا يسبب جفاف للبشرة. يعمل على تلطيف البشرة ونعومتها .
انطباعي عن الغسول :
انطباعي عن الغسول :
- الغسول في فتره سابقه كنت استخدمه مرتين في اليومين ماقد ولا مره حسيت انه جفف بشرتي مع انه يكون نظفها جدا من الدهون .
- حسيته لطيف على بشرتي وريحته منعشه .
- لما استخدمه تبقى بشرتي فتره طويله نظيفه وماتدهن الى تقريبا اخر الليل .
( حاليا استخدمه مره ف اليوم فقط ) لانه افرازات الدهون خفت عندي بشكل كويس الحمدلله
كيفية استخدامه:
- رطبي وجهك بالمويه
- خذي من المنتج الشي اللي يكفيك وافركي الحل على اصابعك ووزعيه على بشرتك وبحركات خفيفه ودائريه وزعيه على وجهك مايحتاج فرك وتدعيك لان جلد البشره حسااس ويتأثر مع الوقت بالحركات القويه
- اتركي المنتج نصف دقيقه او اقل على بشرتك وبعدها شطفيه بالمويه وكملي عنايتك اللي تحبي تستخدميها ..
( هو من المنتجات اللي احب كل فتره اني ارجع اشتريه ) طبعا مو معناته عجبني ذا المنتج معناته ان كل منتجات الشركه كويسه وجيده لاتحكمو على شركه من شهرة منتج عندهم ،،
سعر المنتج : ١١٠ ريال كمية المنتج كويسه وتبقى معاك في حدود شهرين ممكن او اكثر
متوفر في كل الصيدليات..
ليست هناك تعليقات:
إرسال تعليق