أدوات ميكب تتوريال سموكي وطرق سهله لرسم الحاجب ..

مساءكم قشطه وفستق ،، 💋 

-

-

-

وكالعادة بعد كل لوك أسويه راح اكتب لكم الخطوات والأدوات بالتفصيل هنا مع شويه نصائح ... 

في البدايه اللوك اللي طبقته كان نوع من انواع السموكي الكثيره اللي نعرفها 

وفي البدايه أحب أقول انه السموكي ينفع لك العيون 

وكل الأشكال مع اختلاف بعض الأشياء عشان يناسب كل عين .. 

ملاحظات:. 

الشدو :. 

- كل ماكان لون الشدو غامق معناته راح يأخذ منك وقت في الدمج ..

- الألوان الغامقه افضل نستخدم لها فرش دمج صغيره عشان اللون مايحوس معانا ..

- ضروري تكون فرش الدمج نظيفه ومغسلتها عشان لمن تحطين اللون يكون نفسه ..

- دائما اذا كنتي حابه تسوين سموكي اسود انتبهي انه اللون الأسود مايطلع برا الجفن المتحرك .. 

الحواجب :. 

- اهم نقطه في الوجهه الحواجب اغلب البنات اللي اشوف تطبيقاتهم للميكب

تكون حلوه ومرتبه لكن المشكله تكون في الحواجب .. 

- لما تبغين ترسمين حواحبك سواء باودر او جل ابداي من نص الحاجب وانزلي لطرف الحاجب الخارجي ..

- بقايا الجل او الباودر اللي ف الفرشه ارسمي فيه البدايه ..

- اهم نقطه عندي تنظيف بدايه الحاجب من تحت مو ضروري نلطخ تحت الحاجب كله كونسيلر

 خصوصا لو عندك شعر زايد وكنتي تفضلين يكون شكلك اقرب للطبيعي .. 

نجي ذحين للأدوات بالتفصيل :. 

كريم الاساس :. 

دولتشي اند قابانا وزعته بفرشه ماك ١٨٧ وطبطت بعدين بالبيوتي بلندر .. 

كونسيلر :. 

ماك اسمه برولونق وير درجة nc20 .. 

الكنتور والهايلايت الكريمي  :. 

استخدمت كنتور توم فورد جميل سهل في الدمج وخفيف ..

والهايلايت من دولتشي اند قابانا يعطي تنوير بدون اي تغطيه .. 

الباودر :. 

لورا مارسيه الشفافه حطيتها على أماكن الهايلايت اللي نورتها ..

الكنتور الباودر استخدمت انستازيا ثبت فيه الأماكن اللي حطيت فيها الكنتور الكريمي  ..

الحواجب :. 

- استخدمت قلم انستازيا للحواجب وكمان الباودر درجة الدارك بروان وزعته بفرشه مسطحه من ماك 

- وبعدين استخدمت ماسكرا شفافه دمجت فيها كل  شي 

البلشر:. 

من ماك اسمه هرموني وزعته بفرشه عاديه عن طريق الطبطه 

.

الإضاءة :.

- إضاءه سائله من بنفت ..

- اضاءه من جو خلطتها مع سوفت اند جنتل وزعتها بفرشه المروحه ..

الشدو :. 

- استخدمت باليت شدو كات فون دي استخدمت ثلاثة الوان 

( ١- اللون رقم ١ حطيته بفرشه دمج كبيره ع الجفن العلوي 

٢- اللون الرمادي بفرشه دمج اصغر حطيته ع الكسره 

٣- اللون الاسود بفرشه فلات حطيته على الجفن المتحرك 

في الاخير أضفت لون زيتي فيه لمعه ذهبي من كلوربوب اسمه HAMMERED 

الايلاينر والماسكرا:. 

- ايلاينر ميكب أب فور ايفر حطيته بس على المدمع ..

- الماسكرا من ماكس فاكتور ..

- الرموش نورا بو عرض حرف A مناسبه للعيون الصغيره ..