مساء / صباح الحماس والنشاط ..
من اهم النقاط بالنسبه ليا العنايه بمنطقة العين واليد لانهم اكثر شي يبان فيهم العمر..
شخصيا من اكثر المشاكل اللي اعانيها الهالات الله وكيلكم اذا ماعتنيت فيها ممكن توصل لخشمي
والاسباب ممكن تكون داخليه وخارجيه
ومن اهم اسباب الهالات :
- فقر الدم ..
- قله التغذيه السليمه اللي تعتمد على الخضار والفواكهه ..
ومن الاسباب الخارجيه :
- السهر ..
- قلة الترطيب ..
طيب المنتجات اللي نستخدمها تحل المشكله بنسبة 50% اذا صادف وجود مشاكل داخليه
لكن اذا كان ماعندك اي مشكله داخليه العنايه والاهتمام راح تحل المشكله تماما ..
كثير استخدمت منتجات رخيصه او غاليه ودائما احب انوع في كريمات العين
واحب كثير اسوي خلطات طبيعيه
من اهم الخلطات الطبيعيه اللي ممكن تساعد على حل جزء من المشكله
الطريقه الاولى :
- ملعقه صغيره كركم الجسم ..
- ملعقه كبيره حليب سائل او لبن ..
- تخلط وتوضع تحت العين لين تجف وبعدها غسلي المنطقه بمويه بارده ورطبيها ..
الطريقه الثانيه :
- شرائح بطاطس تكون بارده توضع على العين بمدة 5 - 10 دقائق شيليها ..
- مسحي المنطقه بمويه ورد بارده ..
- رطبي المنطقه بمرطب خاص ..
الطرق السابقه حلو انك تستخدميها مع كريمات مخصصه للترطيب ..
عشان نتائجها تكون فعاله ..
دائما الخلطات الطبيعيه تفيد اكثر من ناحيه انها تعطي شعور بروده وراحه للعين
شخصيا لعلاج الهالات اعتمدي في الدرجه الاولى على الترطيب لانه معروف الجفاف من اسباب تغير اللون ..
ريفيو كريم يوسيرين المقاوم لعلامات تقدم السن :
Eucerin HYALURON FILLER
سعر الكريم :
120 او اكثر مو متاكده
اماكن الشراء :
من اغلب الصيدليات اخذته من النهدي
ذكر عن المنتج :
- اثبتت الدراسات السريريه تخفيضا ملحوظ للتجاعيد..
- خال من العطر ..
- مناسب للاستعمال لمستخدمي العدسات ..
- مثالي للاستعمال كأساس للمكياج ..
طريقة عمل الكريم :
- يحتوي الكريم على حمض الهايالورونيك
1- عالي الجزئيات : يعمل عند مصدر التجاعيد الدقيقه في طبقات البشره العليا
2- منخفض الجزئيات يتغلغل في طبقات البشره العميقه حيث تتكون لتجاعيد
- جلايسين سابونين الحيوي الفعال يدعم انتاج الحمض في الخلايا ..
يتميز الكريم :
- حمايه من اشعة الشمس بنسبه 15
طريقة استعماله :
مرتين يوميا او مره قبل النوم ..
يوزع عن طريق الطبطبه بالاصبع ..
رائي الشخصي عن المنتج :
- المنتج مثل ماقلنا يقاوم التجاعيد يعني مايعالجها اذا كانت موجوده ..
- افضل استخدام كريمات المقاومه للتجاعيد بعد عمر 26 سنه ..
- الكريم مو ثقيل ولا خفيف وسط يمتصه الجلد في دقائق ..
- استخدمته بسبب انه جلست فتره استخدم كريم يعالج الهالات وبالفعل عالجها لكن المنطقه صارت جافه
طلعت لي زي الخطوط الصغيره فقررت استخدمه مع كريم نيفيا لمعالجة الهالات كتبت عنه تدوينه مفصله هنا
- اول نقطه لاحظتها المنطقه اترطبت بالفعل
- الخطوط الصغيره من الجفاف اختفت ..
- حسيته عمل زي التعبيئه للخطوط ..
- اي نتائج ثانيه ماراح تكون واضحه لانه مقاوم للتجاعيد يعني يساعد على تاخر ظهور التجاعيد
- شخصيا حبيته لانه برضو يعمل ترطيب جميل لمنطقة تحت العين
- الكريم جزء من مجموعه متكامله من منتجات يوسيرين المقاومه للتجاعيد شخصيا اشتريت كريم العين وكريم الليل فقط من المجموعه ..
وبكذا نكون خلصنا تدوينتنا الصغنونه ..
اشوفكم على خير في تدوينه بكره باذن الله ..
ليست هناك تعليقات:
إرسال تعليق