مساءكم / صباحكم جمال وانتكه ،،
تدوينتي هذي من باب حفظ لشغلي وعشان البعض يستفيد من الادوات اللي استخدمتها ..
بإذن الله بعد كل موديل اعمل لها لوك راح انزل الادوات وبعض الصور .. عشان تكون مرجع لكم وليا .. الانستقرام ماعاد ينضمن :)
طبعا هذي الخطوات مو دائما انا ابدا فيها كل مره ابدا بشي لكن للترتيب والاتقان اكثر بدات بهذي الطريقه ..
في البدايه استخدمت برايمر للوجه من ميكب فور ايفر الابيض للمناطق الجافه والاسود حطيت منه على الاماكن اللي تدهن الانف والجبهه والذقن
١- الحواجب :
استخدمت باودر انستازيا درجات مختلفه .
جل انستازيا لطرف الحاجب درجة : تشوكليت
ماسكرا الحواجب الشفافه من انستازيا
نطفت تحت الحاجب بكونسيلر كريولاين دمجت شوي من البيج ومن الاصفر .. درجه اللون : A
٢- العين :
استخدمت برايمر للعين من ماك soft ocar على كل الجفن ..
قلم كحل من ماك فور ايفر حطيته على الجفن المتحرك فقط
دمجت اطراف الكحل بلونين من باليت مورفي اسمه N35
حطيت على الجفن لون زيتي من اربن ديكاي قلتري راح انزل اسمه ف الانستقرام
على منابت الرموش من فوق ايلاينر تارت ..
بعدها نظفت اللي انتثر تحت العين ..
٣- الوجه :
استخدمت كريم اساس ( فاونديشن ) ديور اسمه : ستار طريقة توزيع كريم الاساس راح احطها في الانستقرام ..
بعدها حطيت كونسيلر برو لونق وير من ماك درجة nc24
اعتمدت على تنوير العين من تحت على كونسيلر نارس درجة castard
ثبت تحت العين ببودرة لورا مارسيه الشفافه
اسمها : translucent
الكنتور :
الكريمي من توم فورد وزعته بفرشة مورفي دمجته بالبيوتي بلندر
ثبته بعدين بالكنتور البودره من انستازيا جدا جميل
تحت العين :
رجعت استخدمت نفس اللون فوق وتركت بودرة لورا مارسيه منثوره تحت العين عشان الظل والماسكرا ماتطبع ..
الماسكرا كانت من تارت استخدمت البيضاء في البدايه وبعدين السوداء راح انزل عنها ريفيو ف الانستقرام جميييله جدا ..
رجعت نظفت تحت العين بالهايلات الاصفر تبع انستازيا ..
البلاشر اسمه : hipness والهايلايت : سوفت اند جنتل من ماك
الروج :
محدد سبايس من ماك
روج سائل يتحول لمات من انستازيا جدا جميييل اعيش معاه حاله من الاعجاب الشديد اسمه : pure hollywood
قلوس من انستازيا اسمه : pastel pink
وفي الاخير ثلاث بخات من ميكب فور ايفر اسمه فيست ميست ..
ويارب يكون اللوك عجبكم وانتظروني في لوكات ثانيه
ليست هناك تعليقات:
إرسال تعليق