كيفيه اخفاء هالات تحت العين والبقع الداكنه ؟

صباح / مساء الرضاا .. 

مااعرف ليش الاغلبيه متضايقه انها بترجع للدراسه 

والمشكله انه كثيير جالسين يطقطون ويضايقون اللي بيدامون .. 

مع انهم يكتبونها من باب التسليه والدعابه بس احس انها تحبط وتضايق كثيير من الطلاب ..

اقولكم من ذحين استمتعو بكل مرحله تمرون فيها ولا تستعجلون على الباقي.. 

اذا انتي في المتوسط استمتعي ببقايا الطفوله الموجوده داخلك ولاتعيشي اكبر من عمرك .. 

اذا انتي في المرحله الثانويه استمتعي بمراهقتك وضحكك والاستهبال اهم شي في حدود الادب ولا تتصعني شخصيه مو شخصيتك مع الوقت راح تنصقل شخصيتك .. 

اذا انتي في مرحله جامعيه عيشي خياراتك ذي المرحله في حياتك تعلمك كيف تتخذي قراراتك وعمرك ماتتسرعي في اختيار تخصص او غيره وابدا لاتندمي على اي قرار بالعكس اتعلمي منه واتاكدي انه خيير من رب العالمين .. 

ادا انتي في مرحلة عزوبيه استمتعي فيها ولا تسمعي وتهتمي للناس اللي يقولو متى تتزوج استمتعي بنومك ووقتك وكل شي .. 

اذا ربي مارزقك بالذريه من اول زواجكم لاتتضايقي في حكمه ربي مخبيها عنك في ذي المرحله استمتعي مع زوجك سافرو روحو اسهرو ولاتنسو الدعاء ولايهمكم كلام الناس .. 

واعرفو انه كل شي مكتوب ومقدر عند رب العالمين 

اجتهدو في دراستكم لانه لكل مجتهد نصيب .. 

وخلصنا قرقره ويارب توفق كل طلابنا وطالباتنا 💕 

نجي لموضوعنا كيف اخفي الهالات عشان مايقلب الكونسيلر رمادي او تبان الهالات ؟؟ 

انا اكثر وحده عندها هالات في الدنيا :( ولانها وراثه ماينفع معاها الكريمات يعني فقط الكريمات تعطيني نتائج موقته وبس من ناحيه تخفيف اللون .. 

هذي طريقتي اللي ارتحت عليها وجدا مناسبتني ومرتاحه معاها .. 

١- ترطيب منطقة تحت العين شي جدا ضروري استخدمي اي كريم انا مرتاحه مع هذا الكريم كتبت عنه تدوينه سابقه .. وكمان كريم بيوديرما حلو وكريم نيفيا للعين جيد مو بطال .. 

٢- استخدمي المصحح انا استخدم اللون الاورنج احطه ع منطقة الهالات كامله او اي منطقه فيها تصبغات وادمجها استخدم فرشه او اصبعي او البيوتي بلندر .. 

٣- ارجع احط من المصحح الاصفر وادمجه وافضل يكون كمية اللون الاصفر اكثر من الاورنج ( الاصفر راح يعطي اناره وتوهج تحت العين ويساعدك ان الكونسيلر مايقلب لونه ) . . 

( باليت ماك درجة ميديم دارك جميله هذي الباليته وحلوه   ) 

( فيه في ماك القلم اللي يكون جهتين اورنج واصفر افضل انكم تستخدموه افضل من الكريمي خصوصا اللي عندهم خطوط وكذا ) 

٤- احط الكونسيلر واوزعه سواء بفرشه او بيوتي بلندر او اصبعي .. 

٥- احط بودره منثوره واثبت فيها الشغل احب احطها بالبيوتي بلندر . بعدها اجيب فرشه باودر واحط من اي بودره مضغوطه وانظف فيها بقايا البودره المنثوره .. 

نصائح : 

المصحح الاورنج له درجات شوفي اللي يناسبك واختاريه .. 

دائما خلو طريقة دمجكم تحت العين بخفه لانها منطقه رقيقه وحساسه .. 

افضل الكونسيلر يكون اغمق منك بدرجه خصوصا للناس اللي هالاتها غامقه جدا .. 

وعشان تفتحين المنطقه استخدمي كونسيلر ثاني بكون خفيف بس ينور لك او اكتفي باللوس باودر ( البودره المنثوره ) ..